عبد الحفيظ كسالي ... حوال الدنيا

نبدا بسم الله نكتب ذالمقال 

من يقرا لحروف يفهم معناها

ياسلاك الصعبة ولي تسهال

قي سخرلي في حروفي نبداها

ميزان اراوي على شاعر ما ڨال

هاذا الدنيا راحلا ڨاع سواها 

نقصة من عمارنا وجنا جهال

قلة عرف وزيد شيطان عماها

عليها شفيا على كامل لارذال

لاڨمنة لا دين كي قاب حياها

ياولفي ما بقى في العز  دلال

هاذي  دار  قرور تبعت هواها

ودو حكمة من كلامي يا عقال

ذا قول صحيح ماني نتباها

نهديم لحروف تقراهم لجيال 

شاتي دعوت خير منهم نصفاها 

زوعامة ذوك تتضارب لمثال

و تتحزم ابطال ڨدام عداها

 ناظم  لبيات عاشر بركسال

  ذريت بلخير فخرى ونزاها

و يا شيخي عنك درت الفال

دجرعت سموم ماصبت دواها

لا تتنوى  لا يقيضك مني حال

نستسمح ذي قي كليمة ڨلناها

وبإذن المولى تتسڤم لحوال

من يسعى للخير حاجته يتولاها 

وجميع لي صبر في الدنيا نال

و يا ربي تهدي أناس البعضاها