علي جدايني

 راح شبابك يا سبع على الجزاير

سقيت بدمك ذ الوطن وعطرتو

مع لخيار فديت روحك يا ثاير

اسمك بحروف الذهب راك كتبتو

يا حامي حودودنا وقت العاثر

يا صلاح بلادنا راكم فزتو

بالمجد سقيتو الساحة ومنابر

والخلود على اسمك راك رڨمتو

الشهيد انت الغايب والحاضر

والشهيد انت بنورك زكيتو

واسمك دنيا وآخرة بيه نفاخر

الله يرحم بيت فيه تربيتو

ربي يصبر أم فيكم تنتاظر

ويصبر قلوب راكم ڨديتو

ويرزق العايلة قلب الصابر

ويحمي لعزيز غالي عليتو

ويحرڨ خاين دار هذا والغادر

الجيفة مقيود جيفة من بيتو

#بقلم المرزوڨي ( علي جدايني)

الله يرحم الرجال اللي ضحات على هذا البلاد

تحيا الجزائر

 والمجد والخلود لشهدائنا الأبرار