الشاعر رشيد بومعزة
سامحوني لي جون قصيدة نقدية
********
بين البارح واليوم/***
ــــــــــــــــــــــــــــــــــــ
بسمك يا معبود يا عاْل القدره**
يا ناشِي لرواح عبدك تلطف بيه**
تفكرت أيام صغــري يا حسره***
بَشْبابِـي فرحان ما نتحكم فيه***
بين احبابي شابع ادلال وفـخـره*
القامـه والقـــد والباس إيواتيه***
اتفكرت الدوار والناس العشره***
والحومة والاهل واشتقت أُماليه*
وأتفكرت امنين كنت أنا نقرأ****
احساب وعلوم واكتابي طاويه**
وُقَدْري مرفوع لنتاجـي عبرة****
الرجلـــــــــة والنيف أنا كابربيه**
زماني ماهو اكذوب وُلا غدرة***
الكلمة والمفيـد نتواصاوْ عليه***
الحشمة والنيف تعصرني عصرا*
طايع والدين عمِّـي نسمع ليه****
ما نحمـــل لا ذل لاطبـع الحقرة**
وما نرضى بالزور ما نقبل هاويه*
نقعد جد وخال تزيان السهرة****
وتاريـــخ اجدادنا نتحدث فيه***
الوالد ربانا على الماء والكسرة***
والدخان الشين عمري ما نكميه**
تربينا فالعز ماقصدي شهرة****
نتفاءل بالخير والسر أنخبيه****
لمعيشة ولاّت فالدنيا مرة******
لاحاكم تلقاه جنبك لافقيه******
لا عالم فالدين تلقى لو جرة****
ابليس الملعون في وادُو مدِّيه***
عجبوهم لجناس والباس الكفرة*
والسروال امهبطو طايح يشتيه**
عشقو شُرب الروم واجفاوْ السترة
وتقليد الكفار عفيف وسفيه*****
وين الحايك وين لملاية السمرا**
هذاك الحال اشْكون إيسال عْليه*
يا من تبعتو الرقيص امع الهدرة*
الحارث فالماء التعب هُوَ يجنيه**
ننصح فيك وخوذ رأيي ذا المرة*
والنصيحة غالية خويا نبغيه****
انايا شاعرمن صُلب الحرة******
على ناسي زعفان والحق إنورِّيهْ*
عــمري ما خبيت للحق النصرة**
وعمري ماحطيت روحي للتفيه**
ماني هامل في اكلامي يا حضرة*
وماني نتباهى بشعري نشكر فيه*
رشيــــد الجزائري عندو نظرة***
في ميلـة إقامتي والـدار الهيه***
مهــد النخـوة والكرم والمسرة***
والوطــن بالروح والغالي نفديه**
اوتسالة هي المسكن والشهرة***
مسقط راسي جَوْهَا عندي نشتيه*
اسْلامـي لجبالْ ما هزت شجرة**
وسلامي للسد من زارو يرويه***
ابقاو على خير في هاذ الخطرة**
واصلاتي عن سيدنا وسلامي ليه*
بقلم****الشاعر
رشيد****بومعزة
تعليقات
إرسال تعليق