الشهيد ..... جمال مخلطي
::: الشهيد :::
ضحاو على بلادي رجال**
ثورة والبارود تفجر
مكاحل سكنو لجبال**
وڨالو لبيك نوفمبر
ولادك دزاير ابطال**
ويلك منهم مستعمر
هذا ماهو لعب عيال**
برنة رشاش تعبر
الڨلب لشهادة ميال**
قرطاس بالجعبة تعمر
جدودي يالي تسال**
سلاحهم بالله اكبر
علامي نجمة وهلال**
حمرة بيضة ولخضر
بڨلبي ڨادي مشعال**
ضربي قاوي مايتجبر
وطني مانبعو بالمال**
ماني من عقلي مودر
الشهداء ديما في البال**
ولعمر للوطن تقدر
بلادي تنجب مزال**
قايدنا عليك نسطر
عديانك وطني انذال**
جيشنا قاوي متقدر
ياطامع في بلادي هبال**
الغيرة ياخوتي تهدر
صحراء ساحل وتلال**
الجيش حامي ويدمر
اسود جاهزة لقتال**
شنقريحة بالعين يشور
تاريخنا بالثورة اغوال**
الضالم عضامو نكسر
اسود تحطم لغلال**
الرجلة للخارج نصدر
لمخلطي جمال
كلامو بالشعر معطر
شارب حبك فنجال**
بلادي بعشقك نتبختر
جمال لمخلطي
تعليقات
إرسال تعليق