ابكي يا عيني .... عبد القادر بوجلطية

            ::::: ابكي يا عيني::::: 

اذا بكيتي انتي ...........نبكي حتى انا

و الي راه مدسوس خالقي عالم بيه

صابر لخالقي .....................هو مولانا

و الي ماو مكتوب ......والله ما تديه

تعلمت الحمة و الكبر ................رزانة

الجايح جايح يافايزة في .عزو نخليه

من بكري كاين أهل................. المنانة

والي فيه صنعة عمرها.....ما تخطيه

و أنايا نحبك في عدوك ..........شنانة

و اذا تبغيني قولي هالي .............ايه

قوليها فالغيب و ارسيلها ..........أمانة

قوليها لبغات شق البحر ............ألهيه

اليوم الي شفتك بنتيلي .........مليانة

مليانة محاين هاتي ............عليا أرميه

نجددو ذا المحبة وعلاه ..........هربانة

في قلبي اسمك ما كان.. من يمحيه

اسمك خمس حروف .....و أنتي فنانة

كوني كل قصايدي نكتب اسمك فيه

تبسيمتك ..مزربعة مارة كاينة لا خانة

ذا الخد كي الشط ..خفت نترمى فيه

اذا ما بغتيش سرك دفنتو ...فالجبانة

جاهيتك بالله قلبي ..................لا تكويه

عرشنا في الحب............... ماهم خوانة

و الي نحبوه نديرو................ ثورة عليه

الحب ما هو عيب .................و لا اهانة

الحب سموم لا ..............طبيب يداويه

يا حسراه الحب................... شحال ورانا

الحب يا يجيني ...................يا نمشي ليه

عبدالقادر بوجلطية