عموم ..... جمال جباري

                  ::::: هموم :::::

تلموا على راسي جميع الهموم

تفاهموا بيناتهم لا يفارقوني

علي نكدي كل شي مقسوم

نزيل هم الهموم يجوني

نتجرع في عمري يوم بيوم

الحب لله و من مره ذوقوني

نشكي يرجع عليا اللوم

خاطر لي هزيتهم طيحوني

ضرني كثر لي وكلتو اغروم

بن الكلب مع الكلاب غدروني

وكيل الدولة واسع البلعوم

الراشي يوكل اسيادي استروني

تهدت ركيزتي و بقيت نهوم

لولا رحمة ربي و الناس يعرفوني

نهلك حلوف نكملها في الحبس نعوم

كون حتي ورايا كاين لي يعاونوني

يا ربي يا حي يا قيوم

راهم الكلاب بالرشوة غطوني

و انا من البلاء مانيش معصوم

مخلوق ضعيف خايف من جنوني

خليني علي باب الصبر نحوم

و الهمني السكينة تنشف جفوني

                                    .....بقلم جمال جباري.......