خوذ الحكمة ... جمعي عبد اللطيف

        ::::خوذ الحكمة :::

الخيل يعرف لركوبها خيالها

 وزين الندهة للصيادة ڨال عڨاب

والبلدة ڨالو تحصنها بيبانها

 والصمت عند العوقالة عوض جواب

والدار المبنية صحيح بنيانها

والشحيح مايكفي لوكان هو جاب

والحديد يصدي الدنيا ذا حالها 

بيبان تفتح واتصد عليك ابواب

النجوم تضوي علينا بنوارها 

تحرس ڨال ربي ولبليس مشهاب

ماتقدر تكسر الملموم عيدانها

 سأل إلى مجرب ولاتسال طباب

ولاتكون للسوڨ لول من زارها

 وادعي ربي اتوكل ودير لسباب

ومشية لبلاد تكون بناسها 

 تحفظ قدرك اتعود بناسها احباب

ولاتخطب إلي بن عمها عافها 

 الخال اختارو وعود ليه نساب

شوف لاتامن من هو شافها 

كلمة صحيحة وكلام فيه كذاب

الدنيا تتبدل ڨداه أحوالها 

بين شتاها وصيف ربيع بورود سلاب

بعد الليل تطلع شمس نهارها 

مايبقى مدرڨ وش على العين غاب

 ابياتي والحروف اختارها

 العقيد امشى وجرب في ذا الباب

                      جمعي عبد اللطيف ( العقيد)