الاسواق .... ندى الشعر

 ::::::::: الاشواق ::::::

واش يصبر   خاطري   ياتشطاني

والفتك   ولقلب ربي   داري   بيه

حبك  ساكن   فجوارح   دخلاني

ومر الحنضل صابرة نتجرع فيه

نارك شعلت صهدها راه  شواني

كويني  مشعالها     واش يطفيه

تحت  ضلوعي حاساته   كواني

وحرق الشوق اصاحبي واش يدويه

ياحبي  لو  كان   تعلم  بحزاني

نبكي  ونبكيك   وصم   نبكيه

حبك يامحبوب صيفت روحاني

متلبسني  لافقيه  يطيق   عليه

صبري  مني طاش هاهو  جفاني

الساعة  بنهار غير تزيد   لهيه

يوم  بيوم و  زاد   عني   نواني

كي  الفرقة  قولي واش  يداويه 

نحل جسمي فيه سشفا عدياني

وهمي كل الناس راه  تهدر بيه

اسمك ديما قي على راس لساني

وحبك يا محبوب فالڨلب  نخبيه

نكتبلك   ونزيدلك   يا حناني

ونضم   لشعار  عنك  و نغنيه

حظي   ماني   دايراته   بلعاني

مكتوب   الله راه ربي داري بيه

حتى نايا  راه  ذالحب  كواني

ياعيايا  خاطري  واش  ينسيه

قاديني مشهاب لاهب دخلاني

وست حشايا نار راها لهبت فيه

والصلاة   على  النابي   العدناني

محمد  شفيعنا  صلى الله عليه

ندى الشعر