دونك ليا .... عزالدين قاضي

 دونـك لــيا مانخلـي فـيك زعاف ...

كلماتي بارود نعرفــها كــي ترعـد ...

مزين نظــرات عيني بعــد كـفاف ...

وبعد الجفى تتساما هــيا والخــد ...

والدمــــع حليلــو عليــها لا طاف ...

يبـرد دم الخايــف منــو يتصرمـد ...

شاهي بسمـة مــن بعــد التشـناف ...

لاني حابـو يفارقني يبــقا ويعــدد ...

واذا ثقلـت بمحانــها ڨلبـي شــاف ...

يبقا طـول الليــل شاهــق ويــردد ...

والنجم اللـي شاهــد عليـها خــاف ...

طــول الليـل عنــي بايـت يجحــد ...

لـــو تقســم نصـي تبقالك لـطـراف ...

يدو ڨاع فريستي للمولــى تصعــد ...

الكلمة لا حضـرت خــلات صــفاف ...

مول النية وقـــت حسابــها يحمـد ...

اليابس لابد تنجــح فــيه أعـــراف ...

والقلــة لا جــات نساميــها ونرفـد ...

بعد رحيلي نخلي وصايتي تتلاف ...

ونوادع بر الشفاية ناســو تتمرمــد ...

#بقلم:#عزالدين_قاضي