رسالة زوجة :::::: ندى الشعر
رسالة زوجة
مالك ياوناس قلبي غبت اليوم
ماني طايق فرقتك يا عيايا
من بعدك قلبي جفل ولا مقسوم
من غيرك لا حد يفهم لدوايا
حوست افيافي وقريت العلوم
ماصبتش حيلة الضري وشقايا
ياوناسي راه عاشرني محتوم
توصلني وتغيب وانا بضمايا
مطحونة الرحاء جفرت بصوم
عهد اسناني ماتفرم لحشايا
بسبابك ياكاحل الشارب مبروم
ودعني سهد ليالي بجفايا
سهارة وجفونها عداد نجوم
أمرافق لشباح غنو بغنايا
نجمت صبحي دارقةولات غيوم
وظلامت لي شمس صبحي وضحايا
ابكي ياعيني بدمعة مالك لوم
جودي ع لحباب وحضن هنايا
دمعك هذرب من عيوني مطر حسوم
خلوني نبكيه قولو. مقوايا
كل حروف الكون ماتشفي مسقوم
لو بحر الطوفان. قلم ودوايا
ولابرج اسحاب مطبق منضوم
نار البعد معا الغربة جفايا
نهجرمن وطني ونسكن بر الروم
نقطعها ويدان وصحن جرايا
ويلا كنت معاشر القبري مردوم
نسكن ناوياك وتكون دفايا
الجحيم بقربك يروي المفطوم
والاثم لي جاك نديه انايا
نفسي ليك انت فداية وبلا سوم
حت ذنوبك نرفدوليك وڨايا
الهادي ربي الحي القيوم
يفرحني بيه و يكمل مسعايا
والصلاة على بابا فطوم
محمد شفيعنا صاحب الهداية
ندى الشعر
تعليقات
إرسال تعليق