لميمة مفتاح الجنة :::: علي جدايني
بقلم #المرزوڨي
قصيدة بعنوان
لميمة مفتاح الجنة
حر الكلام كافي جاب الهدرة و بالقوافي
فيه سلام الحبيب حار
نغدى ليه حافي ريم الغزلان جيت صافي
جبت احزابي بلا فكار
بالشوق ليه دافي صنت عرافي في لحافي
نار شواقي ڨدى جمار
لهابة كتافي ف القلب مشىات ضر خافي
ساكن ضلعي لهيب نار
القلب في حنانك خاشع
والعين في حضورك تشبع
نورك وسط ظلمة لامع
بدر ضياه ديما يسطع
ما نبغي نشوفك دامع
مانبغيش ضحكة تقطع
نبغيك زاهية متواضع
ثوب الخير ليك مرصع
ثوب الخير عامر دعوة كيف سبول ثامر
مطمور لوقت الحصار
من جاب ضر قاهر وعلى مموه كان جاير
مايربح مايدير دار
وانا القاف جاني في حجر اميمتي رماني
لحني وكتبتو شعار
مسرور في كناني مسقي من نورها بداني
جبت كنوني بلا عبار
مكمولت الحنانة صافي تدعي تڨول خانة
خد و مموك ليه جار
داعي بلا منانة بالخير تغيث ليك جنة
مفتوح الباب ليك صار
تبغي تشوف لهنى في عينك تلقاه بنة
وتشوفك عينها الببار
جبت الربيع في عينيها
خلي رموش عيني تقدي
باغي نموت بين يديها
قبلي ما تموت وبعدي
من حق العمر نعطيها
فجنانها نموت ونفدي
نبني قصور كامل ليها
ما نوفي شبر من يدي
ما نوفي العاهد مازال ف قلبي نجاهد
دنيا بهمومها كثار
عاشت بالمساهد تابعني بعيون عابد
تدعيلي سرها جهار
الخير بالمزاود م دعاويها نبات قاعد
ندعيلها طولت العمار
مولايا الصمد ارحم ذ العبد ليك حامد
جايب ف ميمتو شعار
ارزقها الصحة طيب في فمها الريحة
مالجنة اطعمها ثمار
مالعين جبت ملحة لميمتي هديتها بنفحة
خاتم بيها سقام طار
تعليقات
إرسال تعليق