وردة ::::: نائل عبد الحميد

 شمسك ساطعة ما تمسات

وڤمرك ضاوي محلى نورو

ونجمتك ف السما علات

وڤع لكواكب بيك يدورو

زينك وحدة مابيه مشات

مڤواهم لصبيات منك يغيرو

ربي لهمك من دون ڤع لبنات

وخطفتي لقلوب ولغيارات يبورو

اسمك وردة والعشق نفحات

ونويت مقامك نا نزورو

انتي في زمان العشق هيهات

ماشكيت ليام الي راحو يدورو

انتي في عصر العلم و النات

و خبرك فلفيس معلق منشورو

وخبري يادرا وين يبات

ولى حظرك ليا بجورو

ورانا مانا فعصر المعجزات

مر عصرنا وما اكثر اشرورو

كثرو فيه الڤراضا والڤرضات

ومايضيع الحق ولابد ظهورو