مجروح القلب :::: نائل عبد الحميد

 مجروح القلب

تغمض عيني ق برهة وبيك نهذ

             وطيفك فيسع راهو جاني

نسلم سلام لمحبة والود

          ونقول مرحبا باللي عداني

ومجروح القلب عندو مايرفد

        ومجيك درتو جميل ونساني

وحبك ملكني وفخصايلك نعدد

           ومانذكر هيهات فعلك الي نواني

نخاف عليك من عين محسد

            ونحمد ربي كي ليك عطاني

سحابة صيف ورعدها يرعد

         ومطرك مزنو سقاني ورواني

ونقولك ولاني ع الكذب متعود

              من غيرك نتي ماني هاني

والدس يمرض القلب ويدود

            وعلاش بيدي نا نخليه يعاني

نجهر بحبك ونخلي قلبي يبرد

           ويسمع بينا القاصي والداني

ونخلو لفراح ديما تتجدد

           وتبقاي ليا وفحبك نا اناني

نائل