ساط بحري :::: قريش ابراهيم
༺༻ساط البحري༺༻
ساط البحري في العشية نـــــــواني
وحتت ورقي زاد ڨرظلي لـــــــعـــــــراش
وفَرر طيري كان ونس الوحـــداني
ومن بين الطيورسكني لي خـــــــــــــفاش
ويبس كل خضر مــع العود دخلاني
والعرڨ المردوم يبـس كيف خـمــــــــلاش
وتــــهول من كــان في صدري هاني
ومات صـــــغير في صــــــدري مــا عـــاش
حبي يــــــنا زاد فــــي وسط كناني
ربــــــــيتو وسبعتلو،، بـــــــــــزوج كبااش
وندفن في الكبدة و من غير كـفاني
ما صليت عليه ما قــــــبلتو وعـــــــــلاش
ماني عارف واش وقتي عــــــداني
واش نـــــسول باش ولا بـــــــــــــالكيفاش
يا ذالــكبدة ســـولي ساكن لـكنــاني
واش لـي خــلاه يـــــسكن بــتفــــــــراش
وواش لــي هناه على حر حــــناني
يــــا عـجبة هــنيت مـــــــن ليا رعــــــااش
وحطيته ما بين ما عيني و عياني
وســـڨى من دمعي مــــنابتها لـــــــرماش
نبكي ما لياش سكتة يا مــڨـواني
مـــــــاليا في حالتي والله ما ليـــــــــاش
يا شطانة حيلتي داني شيـــطاني
لشيطانك وعليه جنـدي ما يــــــــــقـواش
كذا مـــــــن مرسول ولى ليا جـاني
كــــــــي كتال ضعاف مـاداروش عــــــلاش
وكذا من حروف نرسلهم بـــلحاني
ونسمعهم في الرد كـــــــصوت الرشـــــــاش
وكذا من شرات نشاليهم زهــواني
ترديها على النكر في الثوب الفـــــــــــياش
درتك مومو العين والعرڨ الدخلاني
وكويتيه الجفن لي على عيني رمــــــــاش
درتك عزي يا لعزيزة على الفاني
كي نشوفك لمتين في عضمي يهشــــــاش
وتتلف كل مالفة رتبت في جناني
وتيبس فيه الساقيةو يـــــجف الرشــــــاش
حطيتك في عرش كي بلقيس ثاني
وبعتيني كالبيع عبد من الحبـــــــــــــــاش
وحبيتك والحب كالطيور سفاانيــي
هايمة وين تحط تبني ثم عشـــــــــــــاش
و بنيت انا بحبك دار من المرجــاني
في قلبي وساس ذهباني عشعــــــــــــاش
قلت نسـَكن فيه ياقوتة اعيــــــــاني
مادام الغسال مالبسنيش، نعـــــــــــــــااش
ندير القلب خديم ما طـــــال زمــاني
ماتتهول درت نفاسي كي نشـــــــــــــاش
محضية لبيت لي بغاتو عجــــــلاني
وقلبي غير تقول منها مايعـــــــــــــــــياش
هذي حالة عاشق لطـــــــــرف الثاني
وهو ماداري وين هاذ العاشق عــــــــــاش
مـاني داري ذالحب انسي ولا جاني
ظنيتك ونـــظن راجــل ما يظنـــــــــــاش
ومثقل هاذ الحب والله غ عـــيااني
ماليهش عَــبار ولا ميزانو غشـــــــــــــاش
ومبعد وطنو و مــــقصودو جرااني
لا منهى لمنام رڨادو ما تـــــــــــــــصحاش
نوصي كل حبيب بوصايا ونـــعاني
كل نــــــبيه وفيها مـــــــانـي غــــــــــاش
ماتفرح برعود تزڨلــم و مــــــزااني
حتى تشووف الصب لي الـــــــرشــراش
وماتفرح بسبول وتقول نسن سناني
حــتى تشوف مـــــن بـــــــعد درسة واش
وما هي كل امطار عمارة وديــــاني
وقطع ذاك الواد لي يخوف بعــــــــطااش
وكذا من بيتين تــــكمل لـــــمعاني
وكـــــــذا من لبياات مولاهم خـنتــــاش
وكذا من مزيود زاد ف سـابع هاني
وكذا مـن مزيود في التاسع مــــــا عـاش
تعليقات
إرسال تعليق