فتوى ::: نائل عبد الحميد

 فتوى

جاي بين جيلين وحافظ الستين

وقاري الفقه ومقيد كتوبو

طالب يفتي علا المذهب الزين

مالكي ..وقلنا علا يديه نتوبو

سقسيتو انعم سيدي يالمين

واش دوا اللي نساه محبوبو

وحالف ومكرر فحلف اليمين

يعدد فالزواج باه جروحو يطيبو

وياك ماهو امر امحرم فالدين

وكل واحد يدي قا مكتوبو

ناوي الحلال وحبلي مفتول متين

ونتبع في قلبي ومرغوبو

جاوبني بجواب معقر عالم رزين

ومتمكن فعلمو وعالم بدروبو

وقالي انوي ياك الله المعين

وسوالك عليا وهاك نجيبو

انكح ماطاب لك مرة واثنين

واعدل والعدل صعب تجيبو