الزم حدودك ::: رابح بوفلفل
::::::::: الزم حدودك ::::::::
يــا جــــار الـــــزم حــــدودك
ويزيـك مــن المكــر والحيلــة
احنـا اللي فاهمـيـن مقصـودك
اشـحــال مــا شَعَّـلــت فتيـلــة
مـــا راه عـنــــدنـا مفـقـــودك
حكـايــة م الـــف ليـلـة وليـلـة
م يكون على ظهرنا صعـودك
غيــر بــدل لحظــوظ قلـيـلــة
ويـلا باغـي تعـرض ازنـودك
جــاهـــد فـي سبتــه ومـليلــة
هي ارضك وارض وجدودك
مغصــوبة من سنيـن طـويلـة
اعـــزم وابـــدا لـم حشــودك
وعـــد العـــدّة وكـل وسيلــة
ويلا راجــل ابــدل مجهـودك
مـــا ظـنيـت تقــــدر وقـيلــة
فـي حـقـــك اثبـت وجـــودك
كـي اتـرجـــع مـلك الـقبيلــة
ولى خــايـف تكســر عـودك
عـــودك مـا يكســـر طَفيـلـة
اصحــا من نومــك وقعـودك
سيفنــا حـاد وخيلنــا صهيلـة
مــن قبـل م تسـواد خــدودك
اتــولي فـي عـار وتبهـديلــة
مـول الــدود ارجــع الدودك
بالجيفــة راه عـنــدك صِيلـة
الـدزايـر مــا تهـاب جنـودك
ولعـقــاب مـــا يهـاب رتيلـة
يا بـلادي كـثــرت حسـودك
م كـل مـلّـــة وكـل سلـيـلــة
وانت اللي معروفة بجـودك
في اوقات الجيـران النْحيلة
يـا جيشنــا جهـــز بـارودك
وارمـي كـل قـلــوب غليلـة
ما يسقـط لوطـن بصمـودك
اضــرب كـل يــد عمـيـلــة
نوفمبر من فرض وجــودك
مليون ونص شهيد حصيلـة
واحفـظ مـا تـركو اســودك
الامانـة اللي حمـلـت ثقيلـة
بقلم الشاعر: بوالفلفل رابح سكيكدة
تعليقات
إرسال تعليق