سهر الليل :::: سفيان دحماني

 قصيدة :سهر الليل 

قي بيك آ محبوب ذالليلة تزيان 

و ڤمرها فتيه ب الزين نتاعك

محلاها ليلة مع ........ سهران

وابرا ياذ الڤلب وانسالي  همك 

خلي هاذ الناس تسمع  للولهان

هاذا قول الحق ماطڤت لبعدك

أنجي لمواليك تتڤابل لعيااان

عن جالك مهموم ريحي متهلك

وتعرف شي عباد اهلي والجيران 

بالحب لي راه عاشر في قلبك 

قلبي عاد اليوم  مستسعد فرحاان 

من كلمة محبوب قلبي و نحبك

حتى نا ونقول عنها ذا الديوان 

ما يكفي تعبير قداه  نودك  

الڨلب أسقيتيه يبقالي عطشان

وما يكفيه كلام موزون بفمك 

يبغيك تكوني شريكة في لمحان 

كما اناااايا ف لعمر نڨعد جنبك

حبك راه طغى وساكن في لذهان 

حتى قلبي ياك بالحب يضمك 

والعاشق من عيينه يتفضح ويبان 

 ونايا مفضوح ما باقي نسلك

دحماني سفيان... البيض...