حنين الماضي ::: ندى الشعر

 حنين الماضي

الله لالي الشوفة بالمرحول

جحفة ومراجيع قصبة نونايا

رجال ونسوان كساح فحول

تردد  و تجول نڨمار   هوايا

نبع الملحون ومرحات الڨول

تداول بيها الحراير غنايا

الخيمة الكحلة وبنات الاصول

نڨرات الخلخال تعجب دوايا

بثرور الهمة طياعن طيا مفتول

صرعوف الرقبة نجمات حكايا

سخبات العنبر  والمسك المعسول

وحرير معفي سبيب الدننايا

طايح للمنكب يتمايح سبول

تحفة لفنون  والزنود شطايا

وفرسان نڨار والبارود يصول

عقب المرحول تشلف دونايا

قايدها ڨهڨار فارس فوق فحول

موالف بڨحار و لليل سرايا

وإذا دار لهيه فالمسة معجول

يربي كل وعار وسحبات شضايا

ورمال الصحراء ذهبية ع الحول

وخط الجريد معالمو دل الجرايا

ياحصراه على الناقة والمخلول

وحليب البكرات طبي وشفايا

وانيا ريح الهوى ركبني بعلول 

ملاطمني مابين قفرة والضايا 

نختم  بصلاة على ابا البتول

محمد شفيعنا يوم  المنايا

     ندى الشعر