العود المزهر :: جلول قيايدة

 ((( العود المزَهًر)))

من زهرك يا عود تفرح //وتقمز وتعود طاير

ودات وقالت اذبح //انت عودي علاش حاير

عنقني وزيد محمح //ماني لاتي للمعاير

انت عمري وبيك نسرح //ريحت عطري بيه تخمر

تلقى صدري ليك مطرح //وتلقى رجلي لبك ناقر

تلقى يدي ليك تمسح //وتلقى شعري ليك ساتر

واللي ما عجبوش يربح //ويرد عني كلام شاعر 

ماشي في جوارها انحنح //ما قالتليش وين خاطر

ما لالت لي ارواح رييح // والحب اذا شاع واعر

وبدات عيوني تنووح // وبدات دموعي تتقاطر

قولي كلمات باه نفرح // بيهم تجبري الخاطر

انا زهري مشا ورووح // ما باقي غير التصاور

القلب مع الزين لووح // اضحى جسمي فالمقابر

ماباقي ما نزيد نفرح // ولا نلعب المشا ور

لا عودي لا القلب رييح // نقارع فالجاية وصابر

جلول قيايدة