ورد العيد ... بومدين بوزارية عويشة

واش من وردة ياختي خصنا مصروف

   والوردة زمانها كانت وردة

الوردة احساس لغة عل المكشوف 

الوردة جوارح معناها كبدة

هاك قلبي نصليه سبع طروف

حكم طايش ما بغى يتهادى

لاعنتر لاعبلى الباقي منسوف 

وليلى بكات قيسها هذ مدة

حيزية نعاها سعيد زوج حروف

وانا ننعي السعد ليالي سودة

ماقصدي ع المال يقولو ذ ملهوف 

انا قاصدي ع الحب ضاع بوهدة

كي لاق ذ العيد وعيدي مخطوف 

وانا يا من الحب صنعت القعدة

حب الام والاب والي هو معروف 

ومن ابرد ساسه ذراعي سدى

ومين غاب الورد البس جنانه خوف 

اتعرى  شوك الفضايح وسدى 

الوردة للورد زينو متحوف 

ونحل العفةيواتي حر الشهدة

ساعتهاهديني باقات حروف

وانا نهديلك الورد قصيدة

               بومدين بوزارية عويشة