النصيحة .... عبد الحفيظ كسالي

كالهندام  الدار  للراجل سترة

هذا شرع الله ما فيها نيقاش

فاتت عنا سنين معتاها مرة

ياربي بافعالنا  ما نتحافش

راحت قوم وجات ثاني قوم خرى

حت الوقت لي مضى مايتنساش

ذالجيل المنحوس شاطر فالهدرة

ياخوتي  بالله  ڨلولي  كيفاش

كلش راه انساه  مايل للكفرة

سكران ومزطول عقله مايهناش

استعقل هاذ البلى ليك مضرة

وستغفر مولاك توب ولاعلاش

ياسر مثلك راه واحل ياحصرة

دار الضحك عليه ملي مايسواش

ياشباب  وصييتي خمم  وقرا

والفاني ذامرض منه ماتبراش

غافل كول حديث واغتانم عبرة

وتمعن في حروفنا لا تتزهزاش

نختم بالصلاة عن زين البشرة

داري ما في الغيب عنه مايخفاش