زلزال سوريا .... عبد الحفيظ كسالي

 بسم الله بديت قولي ياموعين

قلت نعزي خاوتي هاذ النوبة

من ذاك الزلزال رانا مصومين

أهل الشام اليوم راهم في نكبة

تحت نقاض حطام خوتي مردومين

نطلب مولانا يفاجي ذالكوربة

ترحم من ماتو وتحفظ من حيين

وتشافي لمريض من جرح الغلبة

كلش صار حطام في رمشات العين

يالعرب ها وينكم  يلزم  هبة

خاوة خاوة شادين في عرف متين

ما كاد الدنيا  حدورة  و العڨبة

وقت شدة ندعموهم ڨاع ثنين

عنتاب وسوريا  ذو في رحبة