الناسكة ... ناصر خزناحي
اضلمتيني ليوم وانامن صيام ب
نقابك وحجاب وانا مصلي
هاذا وقت صلات ولوقت هدام
قوليلي وعلاه منهيه اطلي
يابنت الاصول مادرناه حرام
وماهو في صلك ماهو في اصلي
يامؤذن لاه زيد شويا نام
خليني نهمس وهيا تهمسلي
خليها تهمس تحييلي ليام
زيد شويا قافي حب خليلي
يام عيون السود راه لوقت ضلام
والناس يشوفوك كيف لقيتيلي
راه ينادي من قبيلا راهو قام
خليني نغدا علاه تلاقيلي
خمارك اسود وانتي بنت خيام
وعيونك بالطرف راها تناديلي
مادرتي فيا حالي راه غيام
وانا متنسك وانت زدتيلي
رايح شور صلاة ناوي للقيام
بطلت صلاتي كيف خزرتيلي
راح وضويا راه فرفر عني حام
والنظرة من زوج انتي شفتيلي
المسجد منا ولمصلي آم
والناس تصلي انتي بهزتيلي
عملتي بيا عجب عينيا تضلام
وراب غطايا منين قبيل غمزتيلي
ورفعتي جلباب عن ساقك ببهام
ووميتي وعلاه قولي توميلي
ابيض مثل الثلج ومزخرف رخام
ومزلج ناصع علاه توريلي
من ذيك النظرة قليبي منو هام
راه مسكر من غرامك لوحتيلي
ياجمرة تڨدي من ميرة لريام
صهدك راه يزيد بعدن قلتيلي
تكوي فيا كل ليلة دارت عام
نتصهيد من نارها لهبتيلي
سامر يشعل وين ماتنفح ونام
وكي نتفكر نظراتك لاهب يڨديلي
ماني ناوي نفضحك منك نتلام
ماني ناوي نقصدك كي جيتيلي
ياربي تعلم بقلبي ياعلام
ضلمتني وبكاس قالت تسقيلي
كاس الحب اللي جرعتو من سام
ولدغتني نفثت سم يرشيلي
داويني يارب راني من لهوام
نجيني منها طريقي وريلي
صومي وصلاتي وليال لقيام
واجعل من زهري الفجر يناديلي
تعليقات
إرسال تعليق