حال الدنيا ... عبد الحفيظ كسالي

بسم الله بديت في قولي ننظم

من يقرا لحروف يفهم مانعنيه

ڨاصف لعمر ياك والرزق مڨسم

من يسعى للخير مولاه يكافيه

راني مثل طير والڨلب اڨسم

شيبني ذالوقت بالهم لي فيه

ذالدونية  حالها  راه مقيم

يابونادم لاه ذالڨلب دڨسيه

شد السانك لاجمه  للسر كتم 

لي يحكم سابعه لا خوف عليه 

دير عقوبة ليه و الخير امعرم

دير حساب لخالقك باه تلاڨيه

قادر ما تبنيه في لحظة تهدم

لاصحة لامال وعمالك تديه

شمر على الذراع  تحزم  وعزم

والخاوي قي ريح في زفة يديه

ربي صفي ڨلوبنا والخبر يعم

فرح المكروب والمريض شفيه

بالصلاة على نبي بيها نختم

محمد شافيع صحبه وأليه

جديد يوم الخميس 13افريل 2023