يوم العيد ... عبد الحفيظ كسالي

 يوم العيد

زرت المرسم يالخاوة يوم العيد

وتفكرت حباب كانولي في لجار

نار الكية لاهبة والوحش يزيد

لاحد نسقسيه يعطيني لخبار

و ياعيني بالله دمعك باه يفيد

لساعات تفوت عني عوض نهار

من تمعن في الحروفي راح بعيد

ياسر ماعانايت ودجرعت مرار

وتشلوش خاطري كي عدت وحيد

من همي ياناس راني في زيار

حايل بيني وبينهم صور وكيد

يحسن عوني كان بالغت التعبار

هاهوصغري ظاع مني جافي ليد

حس الكية لاهبة كلي في النار

لوما حالي مانجيبش نص قصيد

ماهو دمع العين حاڨن في لشفار

من غيرك  ياخالقي  لاحد فريد 

راضي بلي كاتبه لي في لقدار

ياسر كيما حالتي ماهوش سعيد

بفرق الو الدين يتجرع  لمرار

قادر لجل يطول نطمع فيه يزيد

قادر يوف الحد في لمحت لبصار

جديد اليوم الخميس 20افريل 2023