الوالدين ... عبد الحفيظ كسالي

 ..  الوالدين... 

ياخوتي هاض البكى زاد نواحي

ذالمرة ڨلبي وحسيتو مڨسوم

بقياب الوالدين طافي مصباحي

يالسر ما عانيت وتجرعت سموم

لا من شاركني حزاني وفراحي

في جوفي دسيت ذالسر المكتوم

ساعة ساعة تصيبني ساكرصاحي

ساعف عقلي يالڨلب علاه الوم

كي ودعته راس مالي ورباحي

راني حال هبيل ماداريش يهوم

زادو عني هموم ودرت اصلاحي

ونبات اناجي ليالي ونعد نجوم 

استسلمت خالص حطيت سلااحي 

يحسن عوني ذاكهو حال المهموم

ياذالدنيا  لاه عني تقساحي

جبناهم لحروف والمعنة مفهوم

ڨلت عليك وخفت نفسي تجياحي

واش يجيب رضاك للبارح لليوم

نختم بالصلاة و سلام  الماحي

محمد شافيعنا سيد هاذ القوم