قمر 14 .... طاهر عبد الكريم

 شعشع ورد ربيع كنا نستناه 

و زهينا بنوار ڨمر ربعطاعش

يا مضنون القلب موعدنا ويناه

لهوانا مازال ڨلبك ما طاعش

هاذ المضرب ڨاع كنا نتعناه

يا من بعتو راه هو ما باعش

ما صنت العشرة و لا ساعفت الجاه

و انا كان اسمعت أسمك نتراعش

ڨلبك يا مضنون بالود سقيناه

شاغل فكري مال حبك ماشاعش

حبك نسمت صبح و البحري غناه

حين يهب على العاشق ينتاعش

صوته صابة رجعت قلبي لصباه

حطت نوتة فوڨ وتره و ترايش

هادي موج هواك عاكس لون سماه

ظاهر  نجم  الليل في سطحه ثاعش

يتصور كي وجه جاحد و اشتقناه

و تختخت موجات تهداني داهش

تهمسلي بسرار كي كنت انا وياه 

عهدك وين اتڨولي ما وفاهش

يا موجات انڨول هاذ النكد علاه

ليل الصيف ڨصير قصدي ما راهش

خرفتي وقيل تهوالك شفناه 

وللا حب انزاد فيك و ما عاشش 

حتى نايا عارفه عشقي صمناه 

ثلث فصول و راه ولفي ما بانش 

وقيلا بعد الشتا ينزاح هناه 

بحر هوايا جزر و المد يناوش 

قفى عمري ضرك و الشيب ضمناه

كيما ضرك يعود كلي ما عاش