ذكرى 8 ماي ... ناصر خزناجي
ياكاتب تاريخ لجيال تمهل
نعطيلك مثال تاريخ جدادي
ماذا دارو فيه هذاك لمحتل
دارو راية لامة ذي للايادي
قريناهم درس منو مايتمل
لاستعمار يعود من حزنو هادي
كذا من تاريخ مكتوب معدل
نقرالك صفحات تاريخ بلادي
8ماي يعود تاريخ مبججل
منو فقنا مابقيناش نهادي
منو عدنا للعدو درنا مقتل
فقنا باللي خاينة من لعادي
هملناه ووين مايغدى يسأل
تالف رايو عاد مثل لبوجادي
مايڨعد حتى يفتش لايقتل
حارم نومو للغطى راه معادي
لافرحة لاعرس ماعاديطبل
من خوفو يلقى نغم النڨادي
ماينسى لليوم مازالو يعقل
بطيناه مشى لبلادو غادي
هذا الدرس يعود مكتوب مفصل
حفظوه ومحفوظ بعقول ولادي
يوم الطالب راه في الذهن مأصصل
باقي وسط عقولنا راه ينادي
من علمو ولا في الجيش يقتتل
بكتابو واقلام لعدوه يصادي
تسعة وخمسين ذي ليوم مبجل
الف وتسع مية ناد المنادي
هذا يومك يابني بيه احتفل
بلبارود يعود صوتك متهادي
ماننساش اللي على الثورة عول
ماقالش لالا يوم الجهادي
ناسي نفسو راح للحق مسبل
ماخمم ماقال امي وولادي
لازوجة لا مال عالثورة فضل
خير يوم الاخرة عاللي عادي
يوم الدين يفوت يجري مايحصل
يكافاهم بلحور رب العبادي
يشفع في لولاد والزوجة والاهل
يجري ليها حين نادى المنادي
هذا هو تاريخنا للي سول
ماماتش محال مزال يصادي
والصلاة على النبي بيها يكمل
وبالسلام عليه تممت قصادي
كلمات خزناجي ناصر
تعليقات
إرسال تعليق